नेपालगन्ज: कोरोना भाइरस संक्रमणका कारण भेरी अस्पताल नेपालगन्जमा थप एकजना बिरामीको मृत्यु भएको छ । उपचारका क्रममा नेपालगन्ज उपमहानगरपालिका-३ बाँकेका ४१ वर्षिय पुरुषको मृत्यु भएको अस्पतालले पुष्टि गरेको छ ।
स्वास्थ्यमा समस्या आएपछि भेरी अस्पतालमा बैशाख १५ गते पीसीआर परीक्षण गर्नुभएको उहाँलाई थप उपचारका लागि १७ बैशाखमा भेरीमा भर्ना गरिएको थियो । स्वास्थ्यमा सुधार नआउँदा उहाँको आज दिउँसो २ बजे मृत्यु भएको अस्पतालले जनाएको छ ।
योसँगै कोरोना भाइरस संक्रमणका कारण बाँकेमा जिल्लाकै १४६ जनाले हालसम्म ज्यान गुमाईसकेको बाँकेका कोभिड फोकलपर्सन तेज ओलीले जानकारी दिनुभएको छ ।
