काठमाडौं: नेकपा एमालेका वरिष्ठ नेता झलनाथ खनाल अस्पताल भर्ना हुनुभएको छ । कोभिड संक्रमण पुष्टि भएर निमोनिया देखिएपछि उहाँलाई शनिबार साँझदेखि नर्भिक अन्तर्राष्ट्रिय अस्पतालमा भर्ना गरिएको छ ।

‘कोरोनाको सामान्य लक्षण देखिएको र अवस्था सामान्य नै रहेको उहाँको स्वकीय सचिव कृष्ण भट्टराईले जानकारी दिनुभएको छ । अस्पताल श्रोतका अनुसार खनालको स्याचुरेसन प्रतिमिनेट पाँच लिटर अक्सिजन दिँदा सामान्य अवस्थामा रहेको छ ।

उहाँको स्वास्थ्य अवस्थाबारे अस्पतालले औपचारिक विज्ञप्ति निकालेर जानकारी दिनेछ ।