नेपालगन्ज: बाँकेमा आज ६२८ जनामा कोरोना भाइरस संक्रमण पुष्टि भएको छ । जिल्लाका विभिन्न तीनवटा प्रयोगशालामा गरिएको पीसीआर परीक्षणमा ६२३ जना र जमुनाह स्थित हेल्थ डेस्कमा गरिएको एन्टिजेन परीक्षणमा ५ जना गरि कुल ६२८ जनामा संक्रमण पुष्टि भएको जिल्लाका कोभिड फोकलपर्सन तेज ओलीले जानकारी दिनुभयो ।
८९६ नमुना परीक्षण गर्दा उनिहरुमा संक्रमण देखिएको हो । भेरी अस्पतालको पीसीआर प्रयोगशालामा ३४५ नमुना परीक्षण गर्दा २२७ जना, नेपालगन्ज मेडिकल कलेजको प्रयोगशालामा २८४ नमुना परीक्षण गर्दा २२८ जना र बागेश्वरी ल्याबमा १९६ नमुना जाँच गर्दा १६८ जनामा संक्रमण पुष्टि भएको प्रयोगशालाहरुले जनाएका छन् ।
उता जमुनाह नाकामा रहेको हेल्थ डेस्कमा ७१ जनाको एन्टिजेन परीक्षण गर्दा ५ जना संक्रमित भेटिएका छन् । आज जिल्लामा संक्रमण जितेर २०५ जना डिस्चार्ज भएका छन् ।
८७ जना महिला र ११८ जना पुरुष शुक्रबार संक्रमण मुक्त भई डिस्चार्ज भएको कोभिड फोकलपर्सन ओलीले बताउनुभएको छ ।
