नेपालगन्जः बाँके खजुराका एकजना युवकको भाइरस संक्रमणबाट मृत्यु भएको छ ।

खजुरा गाउँपालिका ४ का ३६ वर्षीय युवकको उपचारका क्रममा नेपालगन्ज मेडिकल कलेज कोहलपुरमा मृत्यु भएको हो । उनी हिंजो अस्पताल भर्ना भएका थिए ।

उनको आज पीसीआर परीक्षण गरिएको थियो । दिउँसो ३ बजे रिपोर्ट पोजेटिभ आयो । तर उनको राती १ः ३५ बजे नै मृत्यु भइसकेको थियो । योसँगै बाँकेमा भाइरस संक्रमणबाट मृत्यु हुनेको संख्या ११५ पुगेको छ ।