काठमाडौं: खानेपानी तथा सरसफाइ मन्त्री मणि थापालाई कोरोना संक्रमण पुष्टि भएको छ। बिहिबार पीसीआर परीक्षण गर्दा उहाँमा संक्रमण पुष्टि भएको हो । संक्रमण पुष्टि भएपछि उहाँ घरमै आइसोलेसनमा बस्नुभएको छ ।

‘शुक्रबार विहान आएको रिपोर्टमा संक्रमण देखिएको र स्वास्थ्य अवस्था सामान्य रहेको उहाँको सचिवालयले जनाएको छ । सचिवालयका अन्य सबैको रिपोर्ट भने नेगेटिभ आएको छ।

चार दिन अगाडि थापाको छोरीलाई पनि कोरोना संक्रमण पुष्टि भएको थियो । त्यसपछि मन्त्री थापासहित उहाँको सचिवालयमा रहेका १० जनाको पीसीआर परीक्षण गरिएको थियो ।