नेपालगन्जः नेपालगन्जः कोरोना भाइरस संक्रमणबाट भेरी अस्पतालमा थप एकजनाको मृत्यु भएको छ । नेपालगन्ज उपमहानगरपालिका ७ फुलटेक्राका ५१ बर्षका पुरुषको उपचारका क्रममा आज अपरान्ह ४ः २० बजे मृत्यु भएको अस्पतालले जनाएको छ ।
उनलाई बैशाख २ गते कोरोना पुष्टि भएको थियो । तर उनी होमआइसोलेसनमा बसेका थिए । संक्रमणले च्याप्दै गएपछि उनी बैशाख ७ गते अस्पताल भर्ना भएका थिए ।
योसँगै बाँकेमा भाइरस संक्रमणबाट मृत्यु हुनेको संख्या ९६ पुगेको छ ।
