काठमाडौं: ऊर्जामन्त्री टोपबहादुर रायमाझीलाई कोरोना संक्रमण पुष्टि भएको छ ।
सोमबार गरिएको पीसीआर परीक्षणमा मन्त्री रायमाझी र परिवारका सदस्य तथा सचिवालयका केही सदस्यलाई कोरोना संक्रमण पुष्टि भएको हो । संक्रमण पुष्टि भएपछि उहाँ छाउनी स्थित वीरेन्द्र सैनिक अस्पताल भर्ना भएको उहाँको सचिवालयले जनाएको छ ।
स्वास्थ्य अवस्था सामान्य भएपनि सावधानीका लागि छाउनीस्थित वीरेन्द्र सैनिक अस्पतालमा भर्ना गरिएको उहाँका स्वकीय सचिव लीला जीसीले जानकारी दिनुभयो ।
अर्घाखाँचीमा भएको कार्यक्रममा सहभागी भएर फर्किएपछि उहाँलाई कोरोना संक्रमण देखिएको हो ।
