काठमाडौं: कर्मचारीमा कोरोना भाइरस संक्रमण पुष्टि भएपछि औषधि व्यवस्था विभागले केहि कामहरु नियमित नहुने जनाएको छ । विभागले केहि कर्मचारीमा संक्रमण पुष्टि भएपछि पसल दर्ता र निरीक्षण सम्बन्धी सबै काम स्थगित गरेको  जनाएको हो ।

अर्को सूचना जारी नभएसम्म आइतरबारदेखि यी कामहरु स्थगित गरिएको विभागले जनाएको छ । विभागका वरिष्ठ औषधि व्यवस्थापक सन्तोष केसीका अनुसार सात जना कर्मचारी होम आइसोलेसनमा हुनुहुन्छ । विभागले नवीकरणको सेवा भने दिनेछ ।

यो समयमा विभागका अन्य सेवा समेत आंशिक रुपमा प्रभावित हुन सक्ने विभागले जनाएको छ। यसैबिच विभागले सेवा लिन आउँदा स्वास्थ्य मापदण्ड पूर्ण रुपमा पालना गर्न सबैमा आग्रह गरेको छ।