नेपालगन्ज : कोरोना संक्रमणका कारण बाँकेमा थप एकजनाको मृत्यु भएको छ ।
भेरी अस्पताल नेपालगन्जकाे कोभिड आईसोलेशन वार्डमा उपचारको क्रममा गेरुवा ४ बर्दियाका ५२ बर्षिया महिलाकाे मृत्यु भएको अस्पतालले पुष्टी गरेको छ ।
स्वास्थ्यमा समस्या देखिएपछि चैत्र ३१ गते अस्पताल भर्ना हुनुभएकी उहाँको आज आईतबार दिउँसो ३:५५ बजे मृत्यु भएको जिल्लाका कोभिड फोकलपर्सन तेज ओलीले जानकारी दिनुभयो ।
योसँगै उपचारका लागि बाहिरी जिल्लाबाट बाँकेमा आई कोरोना संक्रमणका कारण ज्यान गुमाउनेहरुको संख्या ९७ पुगेको छ ।
यसअघि हिजो शनिबार भेरी अस्पताल मै तीन घण्टाको अन्तरालमा ३ जनाले ज्यान गुमाएका थिए ।
