नेपालगन्ज: कोरोना भाइरस संक्रमणका कारण बाँकेमा थप एक जनाको मृत्यु भएको छ । भेरी अस्पतालको आइसोलेसनमा नारायणपुर-११ दाङका ३७ वर्षिय महिलाको उपचारका क्रममा मृत्यु भएको अस्पतालले पुष्टि गरेको छ ।

स्वास्थ्यमा समस्या आएपछि उहाँको नेपालगन्ज मेडिकल कलेजको प्रयोगशालामा २०७७ चैत्र २६ गते पीसीआर परीक्षण गरिएको थियो । सोही दिन उहाँमा कोरोना भाइरस संक्रमण पुष्टि भएपछि उहाँलाई भेरी अस्पतालको आइसोलेसन वार्डमा भर्ना गरिएको थियो ।

जिल्लाका कोरोना फोकलपर्सन तेज वलीका अनुसार स्वास्थ्यमा सुधार नआउँदा उहाँको आज शनिबार बिहान १:२७ मा मृत्यु भएको छ । योसँगै बाँकेमा उपचारका लागि बाहिर जिल्लाबाट आएर कोरोना संकमणका कारण ज्यान गुमाउनेहरुको संख्या ९४ पुगेको छ ।