नेपालगन्जः बाँकेमा कोरोना भाइरस संक्रमण नियन्त्रण बाहिर गएको छ । नमुना परीक्षणको रिपोर्टले भाइरस संक्रमण सतप्रतिशत देखाउन थालेपछि कोरोना नियन्त्रण बाहिर गएको संकेत गरेको छ ।

नेपालगन्ज मेडिकल कलेजमा विहीबार ४५ जनाको नमुना संकलन गरिएको थियो । त्यसमा ४५ जनाकै रिपोर्ट पोजेटिभ आएको जिल्ला कोभिड-१९ संकट व्यवस्थापन केन्द्रका फोकलपर्सन तेज वलीले जानकारी दिनुभयो ।

संक्रमण पुष्टि भएका अधिकांशमा लक्षण चिन्ह देखिएको छ । दुई दिन अघिपनि मेडिकल कलेजमा ३६ जनाको नमुना परीक्षण गर्दा ३६ जनामै पोजेटिभ देखिएको थियो ।