काठमाडौं: कोभिड संक्रमित दर बढ्दै गएपछि स्वास्थ्य तथा जनसंख्या मन्त्रालयले सबै सरकारी अस्पताललाई कम्तीमा पचास प्रतिशत शय्या कोरोना संक्रमितको व्यवस्थापनका लागि छुट्याउन निर्देशन दिएको छ।
अस्पतालमा भएका कुल शय्यामध्ये पचास प्रतिशत शय्या कोरोना संक्रमतिको लागि छुट्याउन मन्त्रालयले निर्देशन दिएको हो । यसैबिच मन्त्रालयले नियमित रुपमा अस्पतालमा सेवा लिन आइरहेका सेवाग्राहीहरुलाई कोभिड-१९ पुष्टि भएका आधारमा मात्र अन्य अस्पतालमा पठाउने गरेर अनावश्यक दुख हुने कामहरु नगर्न नगराउन अपिल गरेको छ ।
सबै सरकारी अस्पतालहरुलाई कोरोना संक्रमितको उपचार मापदण्डअनुसार निशुल्क गर्न समेत मन्त्रालयले निर्देशन दिएको छ।
