नेपालगन्जः भेरी अस्पताल नेपालगन्जमा थप ५९ जनामा कोरोना भाइरस संक्रमण पुष्टि भएको छ । पछिल्लो २४ घण्टामा १ सय १३ नमुना परीक्षण गरिएकोमा आधाभन्दा बढीमा भाइरस संक्रमण पुष्टि भएको अस्पतालद्धारा जारी सूचनामा उल्लेख गरिएको छ ।
पछिल्लो केही दिन देखि डर लाग्दोगरी भाइरस संक्रमण फैलिन थालेको छ । संक्रमण पुष्टि भएकाहरुम बालबालिकादेखि जेष्ठ नागरिकसम्म छन् ।
द्रूत गतिमा भाइरस संक्रमण फैलिरहेको भन्दै चिकित्सकहरुले सावधानी अपनाउन सबैमा अपिल गरेका छन् ।
