नेपालगन्जः नेपालगन्जस्थित भेरी अस्पतालमा उपचारत कोरोना संक्रमित महिलाको मृत्यु भएको छ ।

दुल्लु नगरपालिका-७ दैलेखकी ७३ वर्षीया महिलाको उपचारका क्रममा शनिवार साँझ ५ः २५ बजे मृत्यु भएको जिल्ला कोभिड-१९ संकट व्यवस्थापन केन्द्रका फोकलपर्सन तेज वलीले जानकारी दिनुभयो ।

उनी केही दिन अघिमात्रै नेपालगन्जमा बस्दै आएकी थिइन् । नेपालगन्जमा उनको छोरीको घर छ । स्वास्थ्यमा समस्या देखिएपछि उनको यही कोरोना परिक्षण गरिएको थियो । र, रिपोर्ट पोजेटिभ आएको थियो ।

अन्तिम संस्कारका लागि उनलाई दैलेख पठाइएको छ ।