काठमाडौं :डा प्रमोद कुमार क्षेत्रीको अध्यक्षतामा नेपाल नेफ्रोलोजी सोसाइटीको नयाँ कार्यसमिति चयन भएको छ।शुक्रबार सम्पन्न साधारण सभाबाट सर्वसम्मत रुपमा सोसाइटीको नयाँ कार्यसमिति चयन भएको हो ।
सोसाइटीको उपाध्यक्षमा डा दिव्या सिंह शाह, महासचिवमा डा रजनी हाडा, सहसचिवमा डा धिरज नारायण मानन्धर र कोषाध्यक्षमा डा महेश राज सिग्देल चयन हुनुभएको निर्वाचन समिति संयोजक डा ऋषिकुमार काफ्लेले जानकारी दिनुभयो ।
यस्तै कार्यकारी सदस्यहरुमा डा राजेन्द्र कुमार अग्रवाल, डा अरुण शर्मा, डा लक्ष्मण अधिकारी, डा कल्पना श्रेष्ठ, डा प्रकाश पौडेल, डा शैलेन्द्र श्रेष्ठ, डा मुकुन्द प्रसाद काफ्ले र डा अभिषेक मास्के चयन हुनुभएको छ ।
