काठमाडौ: देशभरका विभिन्न प्रयोगशालामा गरिएको पीसीआर परीक्षणमा बिहीबार थप ३३२ जनामा कोरोना भाइरस संक्रमण पुष्टि भएको छ । ४ हजार ६ नमुना परीक्षण गर्दा उनिहरुमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
योसँगै नेपालमा कोरोना भाइरस संक्रमण पुष्टि हुनेहरुको कुल संख्या २ लाख ७९ हजार १०० पुगेको छ । बिहीबार कोरोना संक्रमण मुक्त भएर ७९ जना डिस्चार्ज भएका छन् ।
योसँगै नेपालमा कोरोना भाइरस संक्रमणबाट हालसम्म २ लाख ७३ हजार ६०८ जना निको भएर डिस्चार्ज भएका छन् । कोरोना भाइरस संक्रमणका कारण गएको २४ घण्टामा कसैको पनि मृत्यु भएको छैन ।
नेपालमा कोरोना संक्रमणका कारण हालसम्म ३ हजार ३८ जनाले ज्यान गुमाएका छन् । स्वास्थ्य तथा जनसंख्या मन्त्रालयका अनुसार देशभर २ हजार ४५४ जना कोभिडका सक्रिय संक्रमित स्वास्थ्य लाभ गरिरहनुभएको छ ।
