नेपालगन्ज: कोरोना भाइरस संक्रमणका कारण बाँकेमा थप एकजनाको मृत्यु भएको छ । भेरी अस्पताल नेपालगन्जको आइसोलेसनमा दाङ शान्तिनगर-६ का ५५ वर्षिय महिलाको उपचारका क्रममा मृत्यु भएको जिल्ला कोभिड-१९ संकट व्यवस्थापन केन्द्रले जनाएको छ ।
जिल्लाका कोभिड फोकलपर्सन तेज वलीका अनुसार यही चैत्र २३ गते पीसीआर परीक्षण गर्दा कोभिड पुष्टि भएपछि उहाँलाई त्यसैदिन भेरी अस्पतालको आइसोलेसनमा भर्ना गरिएको थियो ।
स्वास्थ्यमा सुधार नआउँदा बुधबार दिउँसो १२ बजे उहाँको मृत्यु भएको अस्पतालले पुष्टि गरेको छ। योसँगै बाँकेमा उपचारका क्रममा हालसम्म बाहिर जिल्लाका ८९ जनाको मृत्यु भएको छ।
