नेपालगन्जः नेपालगन्जस्थित भेरी अस्पतालले मातृ शिशु मैत्री अस्पतालको मान्यता प्राप्त गरेको छ । स्वास्थ्य तथा जनसंख्या मन्त्रालय स्वास्थ्य सेवा विभागले भेरीलाई मातृ शिशु मैत्री अस्पतालको मान्यता दिएको हो ।

हिंजो र आज दुई दिन भेरी अस्पतालका प्रधिनिधिबीच भएको अभिमुखिकरण कार्यक्रमपछि अस्पतालले मातृ शिशु मैत्री अस्पतालको मान्यता पाएको अस्पतालका मेसु डा प्रकाश थापाले जानकारी दिनुभयो ।

अस्पतालले मातृ शिशु मैत्री अस्पतालको मान्यता पाएसँगै २० बुँदे प्रतिबद्धतामा विभागका निर्देशक डा तारानाथ पोखे्रल र अस्पतालका मेसु डा थापाले हस्ताक्षर गर्नुभएको छ ।

सरकारले नेपालमा मातृ शिशु पोषण स्थितिमा सुधार ल्याउने महत्वपूर्ण कदमका रुपमा मातृ शिशु मैत्री अस्पताल अभियान सुरु गरेको हो । यस अभियानलाई पाँच बर्षभित्र सबै अस्पतालमा पुर्याउने लक्ष्य छ ।