नयाँ दिल्लीः भारतमा कोरोना भाइरसको दोस्रो लहर तीब्र गतिमा बढेको छ। पछिल्लो २४ घण्टामा मात्रै भारतमा ६८ हजार २ सय ६ जनामा कोरोना भाइरसको संक्रमण पुष्टि भएको छ।
भारतमा पछिल्लो तीन दिनमा दैनिक ६० हजारभन्दा बढी कोरोना संक्रमित थपिएको भारतीय सञ्चारमाध्यमले जनाएका छन्।
गत २४ घण्टामा मात्रै २९५ जना कोरोना संक्रमितको मृत्यु भएको छ। भारतमा पछिल्लो समय सक्रिय संक्रमितको संख्या पनि लगातार बढिरहेको छ। हाल भारतभर सक्रिय संक्रमितको संख्या ५ लाखभन्दा बढी छ।
विशेषगरी महाराष्ट्र राज्यमा कोरोना संक्रमण नियन्त्रण बाहिर जानसक्ने बताइएको छ। पछिल्लो २४ घण्टामा महाराष्ट्रमा मात्रै ४० हजारभन्दा बढी संक्रमित थपिएका छन्।
