काठमाडौं: यसवर्षको फागु पूर्णिमा अर्थात होली पर्व घरमै बसेर मनाउन स्वास्थ्य तथा जनसंख्या मन्त्रालयले अनुरोध गरेको छ ।
भारतमा कोरोना संक्रमण तीब्र रुपमा बढ्दै गएपछि त्यसको जोखिम नेपालमा समेत पर्नसक्ने भन्दै मन्त्रालयले जनस्वास्थ्यका मापदण्ड पालना गर्न अनुरोध गरेको हो ।
मन्त्रालयले सामाजिक सन्जाल मार्फत होलीमा हुल तथा ठूला जमघटबाट टाढा बसौं, माया बाँडौं, कोरोना होइन भन्ने सन्देश सहित सबैलाई घरमै बसि होली मनाउन अनुरोध गरेको हो ।
यसैबिच संक्रमणको जोखिम बढेको भन्दै विभिन्न जिल्लाका प्रशासन कार्यालयहरुले समेत सूचना जारी गर्दै फागु पूर्णिमा अर्थात होली पर्व घरमै बसि मनाउन अनुरोध गरेका छन् ।
यसवर्षको होली पहाडमा आज र तराईमा भोली मनाइदै छ।
