कोरोना विरुद्धको खोप लगाएका ७५ वर्षीय पुरुषमा कोरोना संक्रमण

    • स्वास्थ्य पेज

  • १० चैत्र २०७७, मंगलवार

APTOPIX Virus Outbreak Vaccine

काठमाडौंः कोरोना भाइरस संक्रमण विरुद्धको खोप लगाएका व्यक्तिलाई कोरोना भाइरसको संक्रमण देखिएको छ । काठमाडौंका ७५ वर्षीय पुरुषमा संक्रमण पुष्टि भएको टेकु अस्पतालका निर्देशक सागर राजभण्डारीले जानकारी दिनुभयो । ती व्यक्तिले फागुन २३ गते खोप लगाएका थिए ।

चिकित्सकहरुका अनुसार खोप लगाएपछि शरीरमा इम्युनिटी विकास हुन एक महिनासम्म लाग्छ । तर उनमा इम्युनिटी बन्नुअघि नै संक्रमण भएको हुनसक्ने उहाँले बताउनुभयो ।

‘निमोनिया, खोकी लगायत लक्षण देखिएको छ । इम्युनिटी बन्नुअघि संक्रमण भएछ,’ निर्देशक भण्डारीले भन्नुभयो, ‘खोप लगाउनासाथ इम्युनिटी बन्दैन । कम्तिमा १ महिना लाग्छ । त्यसैले सचेत हौं ।’

 


Nabintech