काठमाडौं:देशभर कोरोना भाइरस संक्रमण पुष्टि भएका एक हजार सक्रिय संक्रमित स्वास्थ्य लाभ गरिरहेका छन् ।
स्वास्थ्य तथा जनसंख्या मन्त्रालयका अनुसार देशभर ५२ जना क्वारेन्टाइनमा छन् । नेपालमा हालसम्म( बिहीबार दिउँसोसम्म) कोरोना भाइरस संक्रमण पुष्टि हुनेहरुको कुल संख्या २ लाख ७५ हजार ६२५ पुगेको छ ।
संक्रमणबाट हालसम्म २ लाख ७१ हजार ६१० जना निको भैसकेका छन् । बिहीबार कोरोना संक्रमणका कारण एक जनाको ज्यान गएसँगै हालसम्म कोभिडका कारण नेपालमा ज्यान गुमाउनेहरुको संख्या ३ हजार १५ पुगेको छ ।
