काठमाडौं: डिप्सानले फार्मेसी सन्चालनका लागि व्यवसायी (फर्मासिस्ट, फार्मेसी सहायक) वा अनुमती प्राप्त व्यक्ती र धनी एउटै व्यक्ति हुनुपर्ने माग गरेको छ ।
डिप्लोमा इन फार्मेसी स्टुडेन्ट्स एसोसिएसन अफ नेपाल (डिप्सान)ले आइतबार औषधि व्यवस्था विभागलाई ध्यानाकर्षण पत्र बुझाउँदै यस्तो माग गरेको हो । अनाधिकृत व्यक्तिबाट हुने औषधिको बिक्रि वितरण रोक्न विभागले तत्काल यस्तो नियम बनाउन डिप्सानको माग छ ।
एसोसिएसनले पसल अनुगमन निरिक्षण नियमित एवं पारदर्शी बनाउनुपर्ने, जो व्यसायीको निवेदनको आधारमा फार्मेसी दर्ता गरिन्छ , उसैको निवेदनको आधारमा फर्म खारेजको व्यवस्था गर्नुपर्ने र नयाँ फार्मेसी दर्ता गर्दा धनी र व्यवसायी एउटै व्यक्ति कायम गर्नुपर्ने लगायतका माग अघि सारेको छ ।
एसोसिएसनका महासचिव रंगमान मल्लले विभागले तत्काल कुनै पहल नगरे संघर्षका कार्यक्रम ल्याउने बताएका छन् ।
