काठमाडौं: बुधबार देशभर ८७ जनामा कोरोना भाइरस संक्रमण पुष्टि भएको छ ।
देशभरका प्रयोगशालामा ३ हजार ३९९ जनाको पीसीआर परीक्षण गर्दा ३५ जना महिला र ५२ जना पुरुषमा कोभिड संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना भाइरस संक्रमण पुष्टि हुनेहरुको कुल संख्या २ लाख ७४ हजार ३ सय ८१ पुगेको छ । कोरोना संक्रमण जितेर बुधबार थप ६२ जना डिस्चार्ज भएका छन् ।
योसँगै संक्रमण मुक्त भएर डिस्चार्ज हुनेहरुको कुल संख्या २ लाख ७० हजार ६ सय ५ पुगेको मन्त्रालयको तथ्यांकमा उल्लेख छ । कोरोना भाइरस संक्रमणका कारण पछिल्लो २४ घण्टामा थप १ जनाको मृत्यु भएको छ ।
२४ घण्टामै प्राप्त भएको मृत्यु संख्या भन्दै मन्त्रालयले थप २३३ जना समावेश गरेको छ। योसँगै कोरोना संक्रमणकै कारण नेपालमा ज्यान गुमाउनेको संख्या ३ हजार १० पुगेको छ।
अब सक्रिय संक्रमित ७ सय ६६ जना स्वास्थ्य लाभ गरिरहेको मन्त्रालयले जनाएको छ ।
