राजापुर क्षेत्रका लागि दुई एम्बुलेन्स खरिद

    • स्वास्थ्य पेज

  • १३ फाल्गुन २०७७, बिहीबार

बर्दियाः लुम्बिनी प्रदेशका उपसभामुख कृष्णी थारुको निर्वाचन क्षेत्र विकास कोष योजनाअन्तर्गत बर्दियाको राजापुर क्षेत्रका लागि दुई एम्बुलेन्स खरीद गरिएको छ।

उपसभामुख थारुका स्वकीय सचिव अर्जुन चौलागाइका अनुसार सो योजनाअन्तर्गत राजापुर–६ मानपुरटपरा स्वास्थ्यचौकी र गेरुवा गाउँपालिकास्थित रेडक्रस उपशाखा कार्यालयलाई एम्बुलेन्स खरीद गर्न रु १०÷१० लाखका दरले बजेट विनियोजन गरिएको थियो।

खरीद गरिएको एम्बुलेन्स अबको केही दिनमै स्वास्थ्य चौकीलाई हस्तान्तरण गरिने राजापुर नगरपालिकाका प्रमुख शिवप्रसाद थारुले बताउनुभयो। एम्बुलेन्स सेवा पाउने भएपछि स्थानीयवासी उत्साहित भएका छन्।


Nabintech