काठमाडौं:घाना कोभ्याक्स अन्तर्गतको खोप पाउने पहिलो देश बनेको छ । कोभ्याक्स अन्तर्गतको कोरोनाविरुद्धको खोप गरिब तथा विपन्न देशमा वितरण सुरु भएको हो।
संयुक्त राष्ट्र संघको पहलमा कोभ्यासमार्फत् एस्ट्राजेनेकाले उत्पादन गरेको खोप घानाको राजधानी अँकारा पुर्याइएको हो । बीबीसीका अनुसार त्यहाँ ६ लाख डोज खोप पुगेको छ ।
उक्त खोप पहिला स्वास्थ्यकर्मीहरुले पाउनेछन् । कोभ्याक्स अन्तर्गतको खोप गरिब देशमा वितरण गर्ने योजना छ ।
योजनाको नेतृत्व विश्व स्वास्थ्य संगठनले गरिरहेको छ भने यसमा ग्लोबल भ्याक्सिन एलायन्स र कोअलिशन फर एपिडेमिक प्रिपेयर्डनेस इनोभेसन सहभागी छन् ।
उक्त योजना अन्र्तगत एक वर्षमा विश्वका करिब १९० देशमा कोरोनाविरुद्धको झण्डै दुई अर्ब डोज खोप वितरण गर्ने तयारी छ ।
