नेपालगन्जः बाँकेमा बाघको छाला सहित एकजना स्वास्थ्यकर्मी पक्राउ परेका छन् । सल्यान कुमाख गाउँपालिका ३ मर्म पोडीकाराका २४ वर्षीय हिमेन्द्र वली राप्तीसोनारी गाउँपालिका १ कुसुमबाट पक्राउ परेका हुन् ।
उनी हेल्थ असिस्टेन्ट रहेको खुलेको बाँकेका एसपी ओम रानाले जानकारी दिनुभयो । दुई थान बाघको छालासहित वली र अरु दुईजना पनि पक्राउ परेका छन् ।
उनीहरु सबैलाई जिल्ला प्रहरी कार्यालयको हिरासतमा राखेर थप अनुसन्धान भइरहेको बाँकेका एसपी रानाले बताउनुभयो ।
