काठमाडौं:स्वास्थ्य उपचारका लागि पूर्वप्रधानमन्त्री एवं जनता समाजवादी पार्टीका संघीय परिषद अध्यक्ष बाबुराम भट्टराई आज भारत जान लाग्नुभएको छ ।
भट्टराई नेपाल बायुसेवा निगमको जहाजबाट नयाँ दिल्ली जान लागेको उहाँको सचिवालयले जनाएको छ । पेटमा समस्या देखिएपछि थप उपचारका लागि भट्टराई दिल्लीस्थित ‘इन्स्टिच्युट अफ लिभर एन्ड बिलिअरी साइन्सेस’ मा जान लाग्नुभएको हो ।
सुरुमा भट्टराईले काठमाडौंको निदान अस्पतालमा उपचार गराउँदै आउनुभएको थियो । उहाँमा न्युरो इन्डोक्राइनको ट्युमर भएको आशंका गरिएको भट्टराईका प्रेस सल्लाहकार विश्वदीप पाण्डेले जानकारी दिनुभयो ।
भट्टराईसँगै उहाँकी श्रीमती हिसिला यमी र प्रेस सल्लाहकार विश्वदीप पाण्डे समेत दिल्ली जानुहुनेछ ।
