मधुमेहका लक्ष्ण, समस्या र निदानबारे जान्नै पर्ने कुरा

    • डा. अंशुमाली जोशी

  • २ फाल्गुन २०७७, आईतवार

मधुमेह भएकामध्ये ५० प्रतिशतलाई मात्रै लक्षण देखिन सक्छ । अन्य ५० प्रतिशतमा रोगको कुनै लक्षण नदेखिन सक्छ । जटिल अवस्थामा पुगेपछि मात्रै थाहा हुन सक्छ । लक्षण नदेखिँदा मधुमेहले खतरा निम्त्याउँछ ।

रगत जाँच गरेपछि मात्रै मधुमेह छ/छैन थाहा हुन्छ । त्यसैले जोसुकैले पनि कम्तीमा वर्षमा एकपटक सुगर जाँच गराउनुपर्ने हुन्छ । चिकित्कसकले लक्षणका आधारमा नभएर ल्याब रिपोर्टका आधारमा रोग छ/छैन बुझ्न सक्छन् ।

देखिने लक्षण 

-मुख सुक्खा हुने ।

-पिसाब लागिरहने ।

-धेरै भोक लाग्ने ।

-तौल घट्ने ।

-घाउ हत्तपत्त निको नहुने ।

-हातगोडा झमझमाउने, निदाउने या गल्ने ।

जान्नैपर्ने कुरा

-मधुमेह लाग्नै नदिन सकिन्छ ।

-लागिसके पनि नियन्त्रणमा राख्न सकिन्छ ।

-नियन्त्रणमा राख्न सके दीर्घकालमा ठूलो संकट व्यहोर्नु पर्दैन ।

-वर्षमा एकपटक रगत परीक्षण गर्नैपर्छ ।

-लक्षणका आधारमा आफूखुसी औषधि खानुहुँदैन ।

-मधुमेहको शंका लागेमा चिकित्सकको परामर्श लिनुपर्छ ।

-मधुमेह लागिसकेपछि चिकित्सकको सल्लाहमा जाँच गराइरहनुपर्छ ।

खान नहुने

-बढी गुलिया खानेकुरा ।

-धेरै नुनिला खानेकुरा ।

-मोटोपना बढाउने खानेकुरा ।

-बढी चिल्लो पदार्थ भएका खाना ।

-केरा, आँप, अंगुरजस्ता गुलिया फलफूल ।

खान हुने

-हरियो सलाद, काँक्रो, गोलभेँडा ।

-भिजाएका गेडागुडी ।

-नतारेका हरिया सागसब्जी ।

-मुला, गाजर ।

मधुमेह नियन्त्रणमा नराखे…

-मधुमेह वेलैमा नियन्त्रण नगरे अन्धोपना गराउन सक्छ ।

-मिर्गाैलालाई काम गर्न नसक्ने बनाउँछ ।

-हृदयरोगको जोखिम उच्च बनाइदिन्छ ।

-शरीरका विभिन्न अंगको प्यारालाइसिस गराउन सक्छ ।

-पैतालामा संक्रमण हुन सक्छ ।


Nabintech