काठमाडौंः चिकित्सा शिक्षा सुधारका अभियन्ता डाक्टर गोविन्द केसीले आफ्ना माग पूरा नभए फागुन १२ गतेदेखि सत्याग्रह सुरु गर्ने घोषणा गर्नुभएको छ ।
डा केसीले बिहीबार एक विज्ञप्ति जारी गरी आफूले उठाएका तीन बुँदे माग पूरा नभए सत्याग्रह सुरु गर्ने घोषणा गर्नभएको हो । उहाँले प्रतिनिधि सभा विघटनको प्रयासबाट संविधानको रक्षा गर्न र संवैधानिक निकायहरुमा गरिएका नियुक्ति रद्द गर्न माग गर्नुभएको छ ।
आफूसँग भएको सम्झौता कार्यान्वयन गर्न, चिकित्सा शिक्षालाई गैरनाफामुलक बनाउन, सबै सार्वजनिक संस्थामा ७५ प्रतिशत छात्रवृत्ति कार्यान्वयन गराउनेलगायत राष्ट्रिय चिकित्सा शिक्षा ऐनका प्रावधानहरु कार्यान्वयन गर्न डा केसीले माग छ ।
आफूसँग भएका कतिपय सम्झौताहरु कार्यान्वयन नभएको भन्दै डा केसीले आपत्ति जनाउनुभएको छ । मेडिकल शिक्षालाई गैरनाफामुलक बनाउने भन्ने ऐनका प्रावधानहरु कार्यान्वयन गर्ने सम्बन्धमा कुनै प्रगति नभएको उहाँले बताउनुभएको छ ।
