नेपालगन्जः बाँकेका पत्रकारहरुले भोलि कोरोना भाइरस विरुद्धको खोप लगाउने भएका छन् । भारत सरकारले अनुदानमा उपलब्ध गराएको ‘कोभिशिल्ड’ खोप पहिलो चरणमा प्राथमिकतामा परेका व्यक्तिलाई लगाइएपछि बाँकेमा भोलि पत्रकारहरुलाई लगाउन लागिएको जिल्ला कोभिड-१९ संकट व्यवस्थापन केन्द्रका फोकलपर्सन तेज वलीले जानकारी दिनुभयो ।
स्वास्थ्य तथा जनसंख्या मन्त्रालयले भने काठमाडौंका पत्रकार, युएन एजेन्सी, दूतावास तथा कूटनीतिक नियोगका कर्मचारीलाई आजैदेखि लगाउन भनिसकेको छ ।
भोलि विहान १० बजेदेखि भेरी अस्पतालमा रहेको खोप केन्द्रमा पत्रकारलाई खोप लगाइने छ । त्यसका लागि आफ्नो संस्थागत परिचय पत्र अनिवार्य गरिएको फोकल पर्सन वलीले बताउनुभयो ।
