नेपालगन्जः कोरोना भाइरस संक्रमणबाट बाँकेमा थप एक महिलाको मृत्यु भएको छ । भेरी अस्पताल नेपालगञ्जमा उपचारका क्रममा कोहलपुर नगरपालिका ११ की ६८ बर्षीया महिलाको मृत्यु भएको हो ।

उनलाई माघ १४ गते कोरोना भाइरस संक्रमण पुष्टि भएको थियो । त्यसैदिन उनी अस्पतालमा भर्ना गरिएको थियो ।

उनको उपचारका क्रममा शनिवार ४ः १८ बजे मृत्यु भएको जिल्ला कोभिड–१९ संकट व्यवस्थापन केन्द्र बाँकेका कोरोना फोकलपर्सन तेज ओलीले जानकारी दिनुभयो ।

योसँगै कोरोना संक्रमणबाट बाँकेमा मृत्यु हुनेको संख्या ५४ पुगेको छ ।