नेपालगन्जः अत्याधिक चिसो बढेसँगै बालबालिकाको स्वास्थ्यमा जोखिम बढ्न सक्ने अवस्था आएपछि नेपालगन्ज उपमहानगरपालिकाभित्रका सम्पूर्ण विद्यालयहरू तीन दिनका लागि बन्द गरिएको छ ।

केहीदिन देखि नेपालगन्जमा अत्याधिक चिसो बढेको छ । शितलहर र चिसो हावाले बालबालिकाहरुलाई सकस पर्न थालेपछि विद्यालय बन्द गरिएको हो ।
नेपालगन्ज उपमहानगरपालिका शिक्षा, युवा तथा खेलकुद महाशाखाका अनुसार चिसोका कारण सोमबारदेखि माघ २१ गते बुधबारसम्म उपमहानगरभित्रका सामुदायिक, संस्थागत र धार्मिक सम्पूर्ण विद्यालय बन्द गर्न परिपत्र गरेको छ ।

मौसम अनुकुल भइ घाम लागेको खण्डमा २२ गते विद्यालय सञ्चालन हुने र घाम नलागेको खण्डमा २३ गते शुक्रबारसम्म विद्यालय बन्द रहने नेपालगन्ज उपमहानगरपालिका शिक्षा, युवा तथा खेलकुद महाशाखाका प्रमुख गोर्खबहादुर थापाले जानकारी दिनुभयो ।