धनगढीः कञ्चनपुरको बेलौरी नगरपालिकामा निःशुल्क आँखा शिविर सञ्चालन गरिएको छ ।
नगरपालिकाको वडा नम्बर ३ मा आज शुक्रबारसम्म चल्ने दुई दिने आँखा शिविरमा पहिलो दिन विहीबार १ सय ३९ जनाको आँखा जाँच गरिएको सो वडाका सचिव श्याम कुमार रानाले बताउनुभयो ।
उहाँका अनुसार २६ जनालाई चश्मा प्रदान गरिएको छ भने १९ जनालाई शल्यक्रियाका लागि धनगढीको धनगढी नेत्रालय रेफर गरिएको छ ।
त्यस्तै विहीबार नै उक्त वडाका ७० वर्ष उमेर माथिका ७२ जना बृद्धबृद्धाहरुलाई न्यानो कपडा पनि वितरण गरिएको सचिव रानाले बताउनुभयो । दुई दिने निःशुल्क शिविर अन्तर्गत आज पनि आँखा जाँच गरिने छ ।
