हुम्ला ८, माघ ।
कर्णाली प्रदेशको हुम्ला जिल्ला बिहीबारबाट कोरोना संक्रमण मुक्त भएको छ। यसअघि कोरोना संक्रमित भएर होम आइसोलेसनमा बस्दै आएका संक्रमितको एन्टिजिन किटबाट कोरोना परीक्षण गर्दा रिपोर्ट नेगेटिभ आएपछि हुम्ला कोरोना संक्रमण मुक्त जिल्ला भएको हो।

एकजना सिटिजन्स बैंकका महिला कर्मचारीमा कोरोना परीक्षण गर्दा रिपोर्ट नेगेटिभ आउदा हुम्ला जिल्ला कोरोनामुक्त बनेको अस्पताल हुम्लाका सिनियर अनमी सरिता बोहराले जानकारी दिनुभयो ।

लामो समय कोरोना संक्रमणका हिसावले ग्रीन जोनका रुपमा रहेको हुम्ला जिल्लामा गत असोज ३ गएयता जिल्ला भरि ९१ जनामा कोरोना संक्रमण देखिएको थियो । ती सबै निको भएर घर फर्किएपछि हाल संक्रमित संख्या शुन्यमा झरेको हो।