काठमाडौं ७, माघ ।
नेपालमा ९७ दशमलव ९ प्रतिशत कोरोना संक्रमित निको भएको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डा जागेश्वर गौतमका अनुसार हालसम्म नेपालमा २ लाख ६८ हजार ३ सय १० जनामा संक्रमण पुष्टि भएको छ।
जसमध्ये २ लाख ६२ हजार ६ सय ४२ जना संक्रमणमुक्त भएका छन्। जुन कुल संक्रमित मध्ये निको हुने ९८ प्रतिशत हो। पछिल्लो २४ घन्टमा देशभर ३ सय १८ जनामा कोरोना पुष्टि भएको छ भने ३ सय ८३ जना संक्रमण मुुक्त भएका छन्।
बुधबार कोरोना संक्रमणबाट ६ जनाको मृत्यु भएको छ। हालसम्म कोरोनाबाट १ हजार ९ सय ७५ जनाको संक्रमणबाट मृत्यु भएको छ। आज देशभर ३ हजार ६ सय ९३ जना संस्थागत आइसोलेसनमा छन्।
