काठमाडौं २८, पुष ।
विश्वभर माहामारीका रुपमा फैलिएको कोरोना भाइरसबाट हालसम्म विश्वभर १९ लाख ३० हजार बढीले ज्यान गुमाएका छन् ।
कोरोना संक्रमित १९ लाख ३० हजार २६५ जनाको मृत्यु भएको विश्व स्वास्थ्य संगठनको तथ्यांकमा उल्लेख छ । पछिल्लो २४ घण्टामा मात्र ११ हजार ६१ संक्रमितले ज्यान गुमाएका छन् ।
सबैभन्दा बढी अमेरीकामा ३ लाख ६९ हजार बढीले कोभिड संक्रमणका कारण ज्यान गुमाएका छन् । छिमेकी देश भारतमा १ लाख ५१ हजार बढीले कोरोनाका कारण ज्यान गुमाएका छन् ।
विश्व स्वास्थ्य संगठनका अनुसार ८ करोड ९० लाख ४८ हजार ३४५ जनामा कोरोना भाइरस संक्रमण पुष्टि भएको छ । गएको २४ घण्टामा मात्र ६ लाख ६० हजार ९९३ जनामा कोभिड पुष्टि भएको छ ।
अमेरीका, भारत, बाज्रिल लगायतका देश कोभिडका कारण बढी प्रभावित छन् ।
