नेपालगन्ज २७, पुष ।
कोरोना भाइरस संक्रमणबाट बाँकेमा थप एकजनाको मृत्यु भएको छ । भाइरस संक्रमणबाट घोराही उपमहानगरपालिका-२ दाङका ३९ वर्षीय युवकको मृत्यु भएको जिल्ला कोभिड-१९ संकट व्यवस्थापन केन्द्रका सूचना अधिकारी तेज वलीले जानकारी दिनुभयो ।
पुष २२ गते संक्रमण पुष्टि भएका उनको आज मध्यान्ह १२ः १० मा उपचारका क्रममा भेरी अस्पतालमा मृत्यु भएको हो ।
योसँगै बाँकेमा बाहिरी जिल्लाबाट उपचारका लागि आएका ८४ जना संक्रमितहरुको मृत्यु भएको छ ।
