काठमाडौं २७, पुष ।
स्वास्थ्य तथा जनसंख्या मन्त्रलय अन्तगर्त विभाग र अस्पतालका ५ निर्देशकहरुको जिम्मेवारी हेरफेर भएको छ । स्वास्थ्य मन्त्री हृदयेश त्रिपाठीले मन्त्रीस्तरीय निर्णय गरि ५ निर्देशकको जिम्मेवारी हेरफेर गर्नुभएको मन्त्रालयका प्रवक्ता डा.जागेश्वर गौतमले जानकारी दिनुभयो ।
कान्ति बाल अस्पतालको निर्देशक डा कृष्ण पौडेललाई ईपिडिमियोलोजि तथा रोग नियन्त्रण महाशाखामा ल्याइएको छ भने कान्तिको निर्देशकको जिम्मेवारी डा आरपी बिच्छालाई दिइएको छ ।
ईडिसिडिको निर्देशकको जिम्मेवारी पाउनुभएका डा पौडेलले जिम्मेवारी हेरफेर नियमित प्रक्रिया भएको बताउदै केहीबेरमा ईडिसिडि कार्यालयमा उपस्थित हुने जानकारी दिनुभयो ।
यसैगरी ईडिसीडीका निर्देशक डा बासुदेव पाण्डेलाई स्वास्थ्य मन्त्रालयमा ल्याइएको छ भने स्वास्थ्य सेवा विभाग उपचारात्मक महाशाखामा डा मदन उपाध्यायलाई पठाइएको छ । डा रमेश खरेललाई विभाग अन्तरगर्त रहने गरी जिम्मेवारी तोकिएको छ ।
