काठमाडौं २४, पुष ।
नेपालमा कोरोना भाइरस संक्रमणका कारण हालसम्म १ हजार ९०९ जनाको मृत्यु भएको छ ।
पछिल्लो २४ घण्टामा कोरोना संक्रमित ६ जनाले ज्यान गुमाएसँगै मृत्यु हुनेहरुको कुल संख्या १९०९ पुगेको स्वास्थ्य तथा जनसंख्या मन्त्रालयले जनाएको छ । काठमाडौं उपत्यकामा मात्र हालसम्म ७ सय ३८ जनाले कोरोना भाइरस संक्रमणका कारण ज्यान गुमाएको मन्त्रालयले जनाएको छ ।
काठमाडौंमा ४ सय ७७ जना, ललितपुरमा १ सय ५१ जना र भक्तपुरमा ११० जनाको कोरोना संक्रमणका कारण मृत्यु भएको छ । शुक्रबार दिउसो २ बजेसम्म देशभर १९ लाख ७४ हजार ५६१ जनाको पीसीआर परीक्षण भएको छ ।
हालसम्म २ लाख ६४ हजार १५९ जनामा कोरोना संक्रमण पुष्टि भएको छ ।
अब ५ हजार २१ जना कोरोना भाइरसका सक्रिय संक्रमित उपचारका रहेको स्वास्थ्य तथा जनसंख्या मन्त्रालयले जनाएको छ ।
