काठमाडौं २४, पुष ।
कर्णाली प्रदेशका दुई जिल्ला मुगु र सल्यानमा कोरोना भाइरसका सक्रिय संक्रमितको संख्या शुन्य छ ।
स्वास्थ्य तथा जनसंख्या मन्त्रालयका अनुसार अब बागमती प्रदेशको काठमाडौंमा मात्र कोरोना भाइरस संक्रमण पुष्टि भएका ५ सय बढी सक्रिय संक्रमित छन् । प्रदेश १ को सोलुखुम्बुमा समेत सक्रिय सक्रमितको संख्या शुन्य छ ।
देशभर १ हजार ५६१ जना कोभिड सक्रमित विरामी होम आइसोलेसनमा छन् । १ सय ८२ जना आईसियुमा स्वास्थ्य लाभ गरिरहेको र ३७ जना भेन्टिलेटरमा रहेको मन्त्रालयले जनाएको छ ।
प्रदेश २ मा बाहेक अन्य प्रदेशमा कोरोना संक्रमितहरु आईसियु र भेन्टिलेटरमा उपचारमा रहेको मन्त्रालयले जारी गरेको कोभिड अपडेट सुचनामा उल्लेख छ ।
