काठमाडौं २४, पुष ।
देशभर विभिन्न प्रयोगशालाहरुमा ५ हजार २६९ जनाको पीसीआर परीक्षण गर्दा थप ५५४ जनामा कोरोना भाइरस संक्रमण पुष्टि भएको छ ।
योसँगै देशभर कोरोना भाइरस संक्रमण पुष्टि हुनेहरुको कुल संख्या २ लाख ६४ हजार १५९ पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५८५ जना कोरोना संक्रमण मुक्त भएर डिस्चार्ज भएका छन् ।
हालसम्म देशभर कोभिड संक्रमण मुक्त भई डिस्चार्ज हुनेको संख्या २ लाख ५७ हजार २२९ पुगेको छ । शुक्रबार संक्रमण पुष्टि हुनेहरु १८८ जना महिला र ३६६ जना पुरुष छन् ।
गएको २४ घण्टामा ६ जनाले कोरोना भाइरस संक्रमणका कारण ज्यान गुमाएको मन्त्रालयले जनाएको छ । कोरोना संक्रमणबाट निको हुने दर नेपालमा ९७.४ प्रतिशत छ ।
अब देशभर ५ हजार २१ जना सक्रिय संक्रमित स्वास्थ्य लाभ गरिरहेका छन् ।
