काठमाडौं २३, पुष ।
स्वास्थ्य सेवा विभागले विगत १४ वर्षदेखि बिदा स्विकृत नगराई कार्यालयमा अनुपस्थित अनमी कला सुब्बालाई १५ दिनभित्र अनुपस्थित हुनाको कारण पेश गर्न सूचना जारी गरेको छ ।

विभागले प्राथमिक स्वास्थ्य केन्द्र मुलपानी भोजपुरमा कार्यरत पाचौँ तहकी अनमी सुब्बालाई १५ दिनभित्र स्पष्टिकरण पेश गर्न निर्देशन दिएको छ ।

सुब्बा २०६३ साल चैत १ गतेदेखि बिदा स्विकृत नगराई कार्यालयमा अनुपस्थित भएको विभागले जनाएको छ ।