काठमाडौं २२, पुष ।
स्वास्थ्य मन्त्रालय मातहतको स्वास्थ्य आपत्कालीन कार्य सञ्चालन केन्द्रले देशका सबै कोभिड अस्पताललाई ननकोभिड सेवा पनि सञ्चालन गर्न निर्देशन दिएको छ।
स्वास्थ्य मन्त्रालयका सहप्रवक्ता डा समीरकुमार अधिकारीले सबै कोभिड र ननकोभिड अस्पतालहरुले प्रदान गरिरहेका ननकोभिड सेवा सदाझैँ नियमित प्रदान गर्ने व्यवस्था गर्न र कोभिडका लागि तोकिएका अस्पतालहरुले कोभिड र ननकोभिड सेवाहरु समेत नियमित रुपमा प्रदान गर्न निर्देशन दिएको बताउनुभयो ।
बुधवार कोभिड-१९ को रोकथाम तथा नियन्त्रण सम्बन्धमा बसेको ICS बैठकले यो निर्णय गरेको हो ।
