काठमाडौं २२, पुष ।
काठमाडौंको महाराजगन्जस्थित कान्ति बाल अस्पतालले अब बालबालिका तथा किशोरकिशोरीका लागि मानसिक स्वास्थ्य केन्द्र सञ्चालनमा ल्याउने भएको छ । नयाँ भवन अस्पताल परिसरमै निर्माण भएको छ ।
कान्तिले नेपालमै पहिलो पटक बालबालिका तथा किशोरकिशोरीका लागि मानसिक स्वास्थ्य केन्द्र सञ्चालनमा ल्याउन लागेको अस्पतालका निर्देशक डा कृष्ण प्रसाद पौडेले बताउनु भयो ।
यसअघि बालबालिका र किशोर किशोरीको मानसिक उपचारका लागि समस्या हुने गरेकोमा यस केन्द्र सञ्चालनमा आएपछि त्यो समस्या नहुने अस्पतालका निर्देशक डा पौडेले बताउनु भयो ।
कान्ति बाल अस्पतालको ५९ औँ वार्षिक उत्सवका अवसरमा मानसिक स्वास्थ्य केन्द्र नवनिर्मित भवनको स्वास्थ्य तथा जनसंख्या मन्त्री हृदयस त्रिपाठीले उ्घाटन गर्नुभएको छ ।
