काठमाडौं २०, पुष ।
देशभर हाल २ सय ४३ जना कोरोना संक्रमित अस्पतालको आइसियु र भेन्टिलेटरमा छन्। २ सय ९ जना आइसियु र ३४ जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ।
प्रदेश १ मा ७ आइसियु र १ भेन्टिलेटरमा छन्। प्रदेश २ मा कुनै पनि संक्रमित आइसियु र भेन्टिलेटरमा छैनन्।
बागमती प्रदेशमा ६८ आइसियु र १४ भेन्टिलेटरमा, गण्डकीमा ६२ आइसियु र ७ भेन्टिलेटरमा, लुम्बिनी प्रदेशमा ५१ आइसियु र १० भेन्टिलेटरमा रहेको मन्त्रालयले जनाएको छ।
कर्णाली प्रदेशमा १४ जना आइसियु र १ जना भेन्टिलेटरमा, सूदुरपश्चिम प्रदेशमा ७ आइसियु र १ जना भेन्टिलेटरमा रहेको मन्त्रालयले जनाएको छ ।
यस्तै, देशभर हाल १ हजार ७ सय ७४ कोरोना संक्रमित होम आइसोलेसनमा छन्। ५ हजार २ सय ८९ कुल सक्रिय संक्रमितमध्ये १ हजार ७ सय ७४ जना संक्रमित होम आइसोलेसनमा रहेको मन्त्रालयले जनाएको छ। बाँकी ३ हजार ५ सय १५ जना संक्रमित संस्थागत आइसोलेसनमा छन्।
