नेपालगन्ज १९, पुष ।
नेपालगन्जस्थित भेरी अस्पतालमा कोरोना संक्रमित थप एकजनाको मृत्यु भएको छ । दाङ लमही नगरपालिका-८ का ६५ वर्षीया महिलाको उपचारका क्रममा मृत्यु भएको जिल्ला कोभिड-१९ संकट व्यवस्थापन केन्द्रका सूचना अधिकारी तेज वलीले जानकारी दिनुभयो ।

स्वास्थ्यमा समस्या आएपछि ती महिला गएको १३ गते अस्पतालमा भर्ना भएकी थिइन् । कोरोनासँग मिल्दो जुल्दो लक्षण देखिएपछि १४ गते पीसीआर परीक्षण गर्दा १५ गते कोरोना भाइरस संक्रमण पुष्टि भएको थियो ।

रोगको प्रकृति अनुसार उपचार गर्दा गर्दै उनको गएराती १ः ३८ बजे मृत्यु भएको अस्पतालले जनाएको छ । योसँगै बाँकेमा उपचारका लागि आएका बाहिरी जिल्लाका ७८ जनाको मृत्यु भएको छ ।