नेपालगन्ज १८, पुष ।
कोरोना भाइरस संक्रमणबाट बाँकेमा शनिवार थप एकजनाको मृत्यु भएको छ । खजुरा गाउँपालिका-७ का ८८ वर्षीय पुरुषको उपचारका क्रममा भेरी अस्पताल नेपालगन्जमा मृत्यु भएको जिल्ला कोभिड-१९ संकट व्यवस्थापन केन्द्रका सूचना अधिकारी तेज वलीले जानकारी दिनुभयो ।

स्वास्थ्यमा समस्या आएपछि मंसिर ३० गते भेरीमा स्वाव संकलन गरिएको थियो ।त्यसैदिन उनलाई भाइरस संक्रमण पुष्टि भएको रिपोर्ट आएको थियो ।

रोगको प्रकृति अनुसार सबै प्रकारको उपचार गर्दा गर्दै विरामीको विहान ३ः २० बजे मृत्यु भएको सूचना अधिकारी वलीले बताउनुभयो । योसँगै बाँकेमा भाइरस संक्रमणबाट मृत्यु हुनेको संख्या ४६ पुगेको छ ।