सकारात्मक उर्जा दिने यी योगासन

    • स्वास्थ्य पेज

  • १६ पुष २०७८, शुक्रबार

समाजमा व्याप्त अनिश्चितता, कामको दबाब, पारिवारिक–सामाजिक समस्याका कारण अहिले मानिसमा विभिन्न प्रकारका मानसिक स्वास्थ्य समस्या देखा परेका छन् । मनमा सधैं नकारात्मक विचार आउनु एउटा यस्तो समस्या हो जसका कारण मानिसहरु प्रायः समस्यामा पर्छन् । त्यस्ता विचारहरूले मानिसहरूमा असन्तुष्टि, काम गर्ने इच्छा गुम्ने, डर र तनाव जस्ता समस्याहरूलाई बढावा दिन सक्छ।

लामो समयसम्म यस्ता समस्या रहिरहँदा सामान्य जनजीवनमा समेत बाधा पुग्न सक्छ । यदि तपाइँ पनि तपाइँको मन र दिमागमा प्रायः आउने नकारात्मक विचारहरुद्वारा चिन्तित हुनुहुन्छ भने योगलाई तपाइँको दिनचर्याको एक भाग बनाउनु एक राम्रो विकल्प हुन सक्छ।  योगको माध्यमबाट यस्ता विचारलाई मात्र कम गर्न सकिँदैन, मनमा सकारात्मकताको संचार पनि हुन्छ । आउनुहोस् यस्ता केही योगासनका बारेमा जानौं।

शीर्षासन योग अभ्यास

योग विज्ञहरूका अनुसार दैनिक शीर्षासन योग अभ्यासले शारीरिक र मानसिक दुवै स्वास्थ्यका लागि फाइदाजनक गर्छ। शीर्षासन योगले मस्तिष्कमा रक्तसञ्चारलाई बढावा दिनुका साथै टाउको दुख्ने र तनाव जस्ता समस्याबाट छुटकारा पाउन सकिन्छ।

यो योग अभ्यास मस्तिष्कमा सकारात्मकताको संचारको लागि पनि विशेष लाभदायक मानिन्छ।

सेतुबन्धासन

तनाव-चिन्ता र नकारात्मकता जस्ता समस्याहरू हटाउन, दैनिक सेतुबन्धासन योग अभ्यास गर्नु विशेष लाभदायक हुन सक्छ। दिमागलाई शान्त राख्नुका साथै ढाड दुख्ने, कम्मर र घुँडाको दुखाइ कम गर्न पनि यस योगासनको अभ्यास निकै लाभदायक मानिन्छ।

प्राणायामको नियमित अभ्यास गर्नुहोस्

मानसिक शान्ति र आन्तरिक ऊर्जाको स्तरलाई बढावा दिन प्राणायामका विभिन्न योग अभ्यासहरू गर्न सकिन्छ। मनबाट नकारात्मक विचार हटाउनका साथसाथै तनाव र चिन्ता हटाउन पनि यो योगासनको अभ्यास लाभदायक मानिन्छ। अध्ययनहरूले देखाउँछ कि प्राणायामको अभ्यासले सेरोटोनिनको स्तर बढाउन पनि सहयोगी हुन्छ।

  • १६ पुष २०७८, शुक्रबार प्रकाशित

  • स्वास्थ्य पेजमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

    -स्वास्थ्य पेज

    Nabintech