नेपालगन्ज: नेपालगन्जको गणेशमान चोकस्थित सिद्धार्थ अस्पतालमा आज दुई फरक विषयसँग सम्बन्धित विशेषज्ञ चिकित्सकहरुले निःशूल्क ओपीडी सेवा दिने भएका छन् । स्त्री तथा प्रसुति र सर्जरीको ओपीडी सेवा निःशूल्क दिन लागेको अस्पतालले जनाएको छ ।
आज विहान ९ बजेदेखि अस्पतालमा महिलाहरुमा देखिने विभिन्न समस्या, पाठेघरको समस्या, सेतो पानी बग्ने, बाझोपन, पेट दुख्ने, महिनावारीमा समस्या तथा हाइड्रोसिल, हर्निया लगायत रोगको निःशूल्क जाँच तथा परामर्श सेवा प्रदान गरिने छ ।
स्त्री तथा प्रसुति सम्वन्धित सेवा भेरी अस्पताल नेपालगन्जका स्त्री तथा प्रसुति रोग विशेषज्ञ डा.एलिश श्रेष्ठ र सर्जरी सेवा डा. हरिहर देवकाटाले प्रदान गर्नुहुने बताइएको छ ।
प्रत्येक शनिवार अन्य फरक फरक रोगको समस्याको निःशूल्क जाँच र परामर्श सेवा प्रदान गर्दै लैजाने अस्पतालको योजना छ । यसअघि गत साता अस्पतालमा हाडजोनी तथा नशा रोग र फिजिसियन सेवा निःशूल्क प्रदान गरिएको थियो ।
विशेषज्ञ चिकित्सकबाट निःशूल्क चेकजाँच र परामर्श दिइने भएकाले विरामीले गुणस्तरीय स्वास्थ्य सेवाको उपयोग गर्न पाउने अस्पतालका हाडजोर्नी विशेषज्ञ डा.लक्ष्मण सिग्देल बताउँनुहुन्छ ।
